Сёння адзначаецца Міжнародны дзень студэнтаў – свята маладосці, ініцыятывы і невычэрпнага аптымізму! Студэнцтва – гэта асаблівы этап сталення, час, калі вы робіце першыя крокі насустрач сваёй прафесіі, атрымліваеце веды, самаўдасканальваецеся як спецыялісты. Шчыра жадаю, каб гады, праведзеныя ва ўніверсітэце, вам таксама запомніліся навуковымі поспехамі і творчымі здзяйсненнямі. Хай кожны ваш студэнцкі дзень будзе напоўнены выключна пазітыўнымі эмоцыямі, радасцю перамог і добрымі справамі.
Стаўце перад сабой высокія мэты і дасягайце іх, імкніцеся да новых вяршыняў і пакарайце іх, шукайце новыя магчымасці і знаходзьце іх! Веру, што студэнту Міжнароднага ўніверсітэта «МІТСО» гэта пад сілу!
Будзьце смелымі, любіце, стварайце, дапамагайце, ідзіце толькі наперад і ніколі не будзьце абыякавымі! Здароўя вам і вашым блізкім, міру і дабра, шчасця і дабрабыту!
З павагай,
дырэктар Віцебскага філіяла
Міжнароднага ўніверсітэта «МІТСО» А.Л. Дзядзінкін